КОМИ
РУС
Движение «Коми войтыр»
«Коми войтыр» ӧтмунӧм
Представительства
Представительствояс
Тайӧ лунӧ...

В этот день...

13 марта 1918 года в селе Объячево Прилузского р-на Коми АССР в крестьянской семье родился Василий Дмитриевич Леканов.

После окончания школы Василий Леканов учился в театральной студии при Сыктывкарском драматическом театре, затем – в институте театрального искусства имени А. В. Луначарского в Москве.

После окончания учебы В. Д. Леканов был в должности художественного руководителя Усть-Куломского колхозно-совхозного театра. Работал актером в Республиканском драматическом театре им. В. Савина. В течение десяти лет являлся председателем правления Союза писателей Коми АССР.

Литературным творчеством начал заниматься в 50-е годы XX века. Он автор многих пьес, но настоящее признание ему как драматургу принесла пьеса «Сиктса рытъяс» (Сельские вечера). Она была написана в 1954 году, затем была переведена на русский язык и поставлена во многих театрах страны.

Василий Дмитриевич внес большой вклад в развитие коми драматургии и театра. В его пьесах прослеживается стремление к раскрытию национального характера. Ярко проявилось мастерство в создании комедийных образов и ситуаций.

Коми писатель, драматург, заслуженный работник культуры РСФСР, заслуженный деятель искусств Коми АССР, заслуженный артист Коми АССР Василий Дмитриевич Леканов скончался 18 января 1989 года в Сыктывкаре.

 

Тайӧ лунӧ...

Рака тӧлысь 13-ӧд лунӧ чужӧма коми гижысь, драматург, актёр, режиссёр Василий Дмитриевич Леканов (1918-1989).

Василий Леканов томдырсяньыс петкӧдчӧма театральнӧй самодеятельносьтын, а сэсся пырӧма велӧдчыны Коми Республикаса драма театрбердса студияӧ. 1938-1943 воясӧ велӧдчӧма А.В.Луначарский нима театрса искусствояслӧн канму институтын. Сыкӧд тшӧтш вӧлӧмаӧсь и мукӧд коми актёръяс: Глафира Сидорова, Юлия Трошева, Николай Турубанов, Василий Рассыхаев да с.в. Актёралӧма республикаса драма театрын. 1946-1949 воясӧ вӧлӧма Кулӧмдін колхозса театрын художествоа веськӧдлысьӧн. 1971-1978 воясӧ В.Д. Леканов - Коми АССР-са гижысь котырын Правленньӧса веськӧдлысь. Кулӧма Сыктывкарын 1989 вося тӧвшӧр тӧлысь 18-ӧд лунӧ. 

Драма театрын ворсӧм рольяс: Фердыщенко (Ф.Достоевскийлӧн «Идиот» роман серти), Никон (А.Писемскийлӧн «Горькой судьбине» серти), коми авторъяслӧн геройяс. 

Василий Леканов пуктӧма ыджыд пай коми драматургия да театр сӧвмӧмӧ. Гижӧма 20 сайӧ произведение (драма, комедия, челядьлы пьеса-мойд). «Курсъяс бӧрын» медводдза ӧти акта пьеса йӧзӧдӧм бӧрын (1950) сылӧн перӧ улысь петӧмаӧсь «Ася» (1951), «Ӧтменитӧм приказ» (1953).

Уна во уджалӧма лирическӧй комедия жанрын. «Сиктса рытъяс» (1954) пьеса серти спектакль вӧлі пуктӧма СССР-са уна театрын. Драма театрын наперво комиӧн сійӧс пуктӧма Иван Аврамов. Сэсся комедиясӧ роч кыв вылӧ вуджӧдӧма А.Успенский. А недыр мысти "Сиктса рытъяс" шыалӧмаӧсь страна пасьтала и мукӧд кывъяс вылын. 

Уналаын жӧ вӧлі пуктӧма Василий Лекановлысь «Джуджыд потшӧс сайын» пьеса.

Драматурглӧн медбӧръя пьесаяс лыдысь «Парма дойяс» (1988) гижӧма история тема вылӧ.

Василий Дмитриевич ставнас гижӧма 10 пьеса, дас ӧтиӧдыс — «Мужики» — помавтӧм. Квайт пьеса пуктӧма сцена вылын. 
1959 воын В.Д.Лекановӧс пыртӧмаӧсь СССР-са гижысь котырӧ. Сылӧн небӧгъяс: "Пьесаяс" (1978), "Горш тулыс" (1982), "Ар — гöтрасян кад" (1988). 
Василий Леканов - РСФСР-са культураын нимӧдана уджалысь (1978), Коми АССР-са нимӧдана артист (1948), Коми АССР-са искусствоясын нимӧдана уджалысь (1960), И.А.Куратов нима Коми АССР-са канму премия босьтысь (1976).