КОМИ
РУС
Движение «Коми войтыр»
«Коми войтыр» ӧтмунӧм
Представительства
Представительствояс
"Горадзуль" вермис конкурсын

"Горадзуль" победила в конкурсе

Газета "Горадзуль", выпускаемая учащимися Гимназии искусств при Главе Коми, стала лауреатом Всероссийского фестиваля школьных СМИ – 2018. Его организовал факультет журналистики Московского государственного университета.

Как рассказал "Комиинформу" руководитель кружка национальной журналистики гимназии Павел Симпелев, в конкурсе принимали участие 250 школьных редакций из разных регионов страны. Им удалось войти в десятку лучших. В Москву на награждение победитилей выезжали четыре школьника и два руководителя.

Фестиваль состоялся на факультете журналистики МГУ 31 марта. Кроме церемонии награждения для участников провели мастер-классы. Лучшие школьные газеты страны вывешивали на стенах журфака.

В редакции "Горадзуль" числится 20 юнкоров. Газета выпускается кружком национальной журналистики, который работает при этнокультурном центре гимназии. Статьи печатаются на русском и коми языках.

"Конечно, я прошу коми детей писать на коми языке, но каждый выбирает сам. Я очень доволен, что материалов на коми не меньше, чем на русском", - заметил П.Симпелев.

(Комиинформ)

 

 

"Горадзуль" вермис конкурсын

Коми Республикаса юралысь бердын искусствояс гимназияысь велӧдысь-велӧдчысьяс, кодъяс уна во нин дасьтӧны-лэдзӧны «Горадзуль» газет, неважӧн ветлісны Москваӧ велӧдчанінъяслӧн СМИ ставроссияса фестиваль вылӧ. Сэні найӧс нимӧдісны лауреатъясӧн.

Ылі туйӧ петавлӧм бӧрын сьӧлӧмкылӧмъяснас юксьӧ гимназияын журналистика кружокӧн веськӧдлысь Павел Симпелев...

 

Бласлӧвитісны водзӧ гижны

Тувсов каникул. Искусство гимназияын велӧдчысьяс разӧдчисны республика пасьтала асланыс сикт-посёлокӧ.

И буретш сэки, субӧтаӧ, март 24 лунӧ, электроннӧй пошта вайис юӧр: школаясса газетъяс пӧвстын ставроссияса конкурсын гимназияса «Горадзуль» лоис лауреатӧн, да корам волыны март 31 лунӧ Москваса университетлӧн журналистика факультетӧ. А кык час мысти телефон пыр нин МГУ-сьыд звӧнитӧны, юасьӧны, локтанныд онӧ пӧ. Мися, дерт, волам. Кӧть туйӧ чукӧртчыны кадыс этша, выльлунӧ нин колӧ билет ньӧбны, оланін йылысь сёрнитчыны. И сьӧм корсьны. Сиктса челядьыд оз ставныс вермыны асьныс мынтысьны. Бур, мый туйсьыс кӧсйысис вештысьны национальнӧй политика министерство. Тӧдам пӧ «Горадзультӧ», паськыда гижанныд сэні коми войтыр, сылӧн культура, традицияяс йылысь.

Бӧрынджык нин жюрисакӧд сёрниысь тыдовтчис, комиӧн да рочӧн гижӧдъяс йӧзӧдӧмыс, комияслысь оласногсӧ петкӧдлӧмыс и отсалӧма «Горадзульлы» лоны вермысьӧн да шедӧдны МГУ-ысь журналистика факультетса Учёнӧй сӧветлысь приз.

Но ми та йылысь эг на тӧдӧй да квайтӧн мӧдӧдчим туйӧ. Москваын медводз ветлім видзӧдлыны Краснӧй площадь да Кремль, кежалім и орчча журфак дорӧ. А рытнас аддзысьлім искусство гимназия помалысьяскӧд, кодъяс водзӧ велӧдчисны Москваын да ӧні уджалӧны нин сэні. Никита Белорусов да Евгений Холопов петкӧдлісны миянлы странаса юркарлысь сэтшӧм пельӧсъяс, кодъясӧс лун-мӧд кежлӧ волігад он и аддзыв. Сідз, уна кывлі архитектор Мельниковлӧн гӧгрӧс керка йылысь, но эг на тӧд весиг, кӧні сійӧ меститчӧ. А та пӧрйӧ мойвиис сійӧс аддзывлыны, Арбат бокса векньыдик улича вылын и вӧлӧма...

МГУ-ӧ школаса СМИ-лӧн фестиваль вылӧ вӧлі воӧмаӧсь уна республика-обласьтысь том журналистъяс. Радлім, кор стенд вылысь мукӧд газет пӧвстысь аддзим и «Горадзульнымӧс». Сэсся кытшовтім журфаксӧ, шензьӧдісны джуджыд колоннаяс да стеклӧысь купол-пӧтӧлӧкыс, гырысь аудиторияясыс. Уна тӧдчана йӧз велӧдчылӧма Мохӧвӧй улича вылын сулалысь стрӧйбаас – Герцен, Огарёв, Гоголь... Налысь нимъяссӧ пасйӧма мрамор пӧв вылын.

Том йӧзлы дасьтӧмаӧсь мастер-классъяс. Позис кӧ, быдлаӧ кӧть ветлы, но ковмис бӧрйыны. Аня Притченко да Рита Шулепова окотитісны тӧдмасьны тележурналистлӧн, Настя Шамина – спорт комментируйтысь, а Аня Трошева – фотокорреспондентлӧн уджӧн. А ме да гимназияын велӧдысь Людмила Игушева экскурсия вылӧ вӧзйысим, кӧні висьталісны журфаклӧн история йылысь.

Конкурсын вермысьясӧс нимӧдны чукӧртчим паськыд содъя да джуджыд колоннаяса залӧ (студентъяс дженьыда шуӧны сійӧс баллюстрадаӧн). Дыр виччысим, кор «Горадзульлы» призсӧ сетасны. Помланьыс нин, кор медыджыд наградаяс шедӧдысьясӧс нимӧдӧны, корисны и миянӧс. Дипломсӧ босьтім да водзӧсӧн эг жӧ кольӧй: козьналім журфакса декан Елена Вартановалы да жюриын зільысьяслы гимназистъясӧн кыӧм вӧнь-видзӧгӧн да «Унатор на тіянлы колӧ висьтавны...» небӧгӧн. Книгасӧ искусство гимназияысь этнокультура шӧрин жӧ лэдзис Удораса Йӧртымдінӧ куим во чӧж экспедицияясӧ ветлӧм бӧрын. Небӧгас петкӧдлӧма сиктыслысь историясӧ и культурасӧ, сэтчӧс йӧзлысь олӧмсӧ.

Учёнӧй сӧветлӧн признас журналистика факультетысь преподавательяс пасйисны том гижысьяслысь сямсӧ да быттьӧ бласлӧвитісны найӧс и водзӧ уджавны, профессионалъяс лыдӧ «пыртісны».

(«Коми му»)